බන්දු සමරසිංහ

බන්දුසේන සමරසිංහ-1952 November 21 (ඉංග්‍රීසි:Bandusena Samarasinghe) (දෙමළ:பந்துசேன சமரசிங்க)යනු ශ්‍රී ලංකා සිනමාවේ හාස්‍ය නළුවෙකි. ඔහු සිනමාවට ප්‍රවිෂ්ට වූයේ 1975දී සදහටම ඔබ මගේ චිත්‍රපටිය සමඟයි. 1990-2000 වර්ෂයන්හි ක්‍රියාකාරී නළුවෙකු වූ මොහු 1995-2005 දශකයේ සිනමාවේ පෙරලියක් ඇති කලේය. රංගන ශිල්පියෙකු, ගායකයෙකු, අධ්‍යක්ෂවරයෙකු, නිෂ්පාදක වරයෙකු වූ මොහු විසින් රෝදය,ලෙෆ්ට් රයිට් සර් වැනි චිත්‍රපට අධ්‍යක්ෂණය හා නිෂ්පාදනය කර ඇත. සිනමාවේදී ඔහු වඩාත් ජනප්‍රිය වූයේ රෝයි ද සිල්වා විසින් අධ්‍යක්ෂණය කරනු ලැබූ රෑ දනියෙල් දවල් මිගෙල් 1-2-3 හා චෙරියෝ චිත්‍රපට මාලාවයි. එතැන් පටන් බන්දු-ටෙනී 2007 තෙක් විකට යුගලයක් ලෙස චිත්‍රපට හි රංගනහි නිරත විය.

බන්දු සමරසිංහ
උපත	බන්දුසේන සමරසිංහ නොවැම්බර් 22, 1952 (1952-11-22) (වයස 71) කෑගල්ල,ශ්‍රී ලංකා
ජාතිකත්වය	ශ්‍රී ලාංකික
අධ්‍යාපනය	ශාන්ත මරියා විද්‍යාලය, කෑගල්ල
රැකියාව	නළුවෙකු, අධ්‍යක්ෂකවරයෙකු සහ තිර රචකයෙකි
සක්‍රීය වසර	1972-සිට
කලත්‍රයා(යන්)	ස්වර්ණා සමරසිංහ (වි. 1980)
දරුවන්	කාංචන කුමාර සමරසිංහ රසෝඝා සමරසිංහ
සම්මාන	ස්ලිම් නෙල්සන් සරසවිය
ආගම	බෞද්ධ

පවුල් පසුබිම

කෑගල්ල,තිහගොඩ, කපුමුව ලෙල්ගහගොඩ ඉස්කෝලේ හාමිනේ(මව) ගෙදර ඔහු උපත ලැබීය. දරුවන් පස් දෙනෙකු ලද සමරසිංහ මෑණියන් ගුරුතුමියක්ද වූයේය. පියා කාර්මික ඉංජිනේරුවරයෙකි. පෙර පාසල් අධ්‍යාපනය ශාන්ත සේවියර් කන්‍යාරාමයදී හා වැඩිදුර අධ්‍යාපනය ශාන්ත මරියා විද්‍යාලයෙන් හදාරා ඇත. එහෙත් අධ්‍යාපනය උනන්දුවෙන් හදාරා නැති බව පවසයි. එවකට ශාන්ත මරියා විද්‍යාලයේ ක්‍රිකට් සංගමයේ නායකයා ලෙසද කටයුතු කර ඇත.

පවුල් ජීවිතය

ඔහුගේ බිරිඳ ස්වර්ණා වන අතර සමරසිංහ තිදරු පියෙකි. ඒ අතර දියණියන් දෙදෙනෙකි, "රසෝඝා යසෝරාවි හා හිරන්නියා චත්රි" යී. ඔහුගේ පුතු "කුමාර කාංචන"යි. ඔහු පීටර් වන් චිත්‍රපටයේ ප්‍රධාන චරිතය රඟදැක්වීය.

නළුවෙකු ලෙස ක්‍රියාන්විය

බන්දු සිනමාවට පැමිණීමට උත්සහ කළේ 1972 ත් පෙර ඔහු 17 වැනි වියේදී පමණ වුවත් ඔහු බාධා මැද සිනමාවට අවතීර්ණ වූයේ 1972 වර්ෂයේදීසදහටම ඔබ මගේ සිනමා පටය සමඟය. ඒ ප්‍රවීණ අධ්‍යක්ෂ සේන සමරසිංහයන්ගේ උපකාරයෙනි. සේන සමරසිංහ ඔහුගේ ළඟම ඥාතියෙක්ද වේ. ඔහු නිෂ්පාදනය කළ සදහටම ඔබ මගේ චිත්‍රපටයේ මෝඩ කාර්යාල සහායක චරිතයෙන් ඔහු 1975දී සිනමාව පැමිණිය. එහිදි චරිතයේ ඔහු පැරණි පන්නයේ ජෝන් වයිට් සපත්තු දමාගෙන හා ඇගපතට නොගැළපෙන ඇඳුම් ඇඳලා රඟදැක්වීය. එදා සිට ඔහුගේ දත නැති හිනාවත්, පීරන්න බැරි බොකුටු කොණ්ඩයත් රසිකයන් අතර ජනප්‍රිය විය. එදා සිට ඔහු දුටු තැන මෙන්ම අවමඟුල් නිවස් හි සිටින මිනිසුන් පවා සිනාහසෙන බව ප්‍රසිද්ධිය.

ඔහු ෆ්‍රෙඩී සිල්වා සමඟ 1980 සිට slapstick විකට ජවනිකා රඟනු ලැබූවා. ඔහු සිනමාපට මේ වන විට 85ක් රඟපා ඇති අතර 2016 වන තෙක් බැලූ කල ඔහුගේ චිත්‍රපටිවලින් 95% ක්ම විකට අන්දමේ චිත්‍රපට වන අතර අනෙක් සිනමාපට අසාම්භාව්‍ය,නාටක ගණයට අයත්ය.

සිනමා ජීවිතය

[[ගොනු|thumb|දකුණ|ටෙනිසන් කුරේ(වමේ) බන්දු සමරසිංහ(දකුණ) එක්වූ අවස්ථාවක්.(2016)]] ඔහුගේ සිනමා දිවිය අති සාර්ථක වාර්තා තැබු රෑ දනියෙල් දවල් මිගෙල් චිත්‍රපටයෙන් විකට රැල්ලක ප්‍රවණතාවයකට මඟ පෑදීය. ඊට ටෙනිසන් කුරේගේ දායකත්වයද උපකාරී විය.මේ නිසා විකට චිත්‍රපට රැල්ලේ සුවිශේෂී ලක්ෂණයක් ඇති කරමින් වීරයා අබිබවා විකටයා නැගී සිටිමට වීය. ඔහු ගෙන ආ විකටයා අද ලාංකික සිනමා ශාලාවට ප්‍රේක්ෂකයන් ඇදගන්නා ප්‍රධාන ගාමක බලවේගය බවට පත්විය.

ඔහු ප්‍රධාන චරිතයක් රඟනු ලැබූයේ 1987 තිරගත වූ නොම්මර එකයි චිත්‍රපටයනි. එය ගොඩනැගී තිබූයේ ප්‍රධාන චරිත දෙකකිනි ඒද ටෙනිසන් සමඟිනි. ඔවුන්ගේ හාස්‍ය පූට්ටු/සුසංයෝගය ඇති වූයේ එම චිත්‍රපටයෙනි. නොම්මර එකයි මිලි මීටර් 16 ප්‍රමාණයෙන් රූප ගත කර මිලි මීටර් 35 ප්‍රමාණයට විශාලනය කර පෙන්නූ ප්‍රථම සිංහල චිත්‍රපටය වීමද විශේෂත්වයකි.

චංචල රේඛා චිත්‍රපටයේ දං චූටිට අනුකම්පා කරන කපිල නම් චරිතය හා රජ්ජුමාලා හාස්‍යයෙන් තොර අද්භූත චරිත නිරූපණයත්, රෝදය චිත්‍රපටයේ අර්ධ හාස්‍ය උප්පාදන චරිතයත් ඔහු හාස්‍ය රංගනයෙන් මිදුණු අවස්ථාන්ය.

මේ අතර ඔහු විසින් ද්විත්ව චරිත නිරූපණය කෙරුනු අවස්ථා ලෙස චෙරියෝ කැප්ටන්, කවුද බොලේ ඇලිස්, පිස්සු පූසෝ හැඳින්විය හැකියි. මයි නේම් ඉස් බන්දු හි ඔහු ත්‍රිත්ව චරිත නිරූපණයක්ද දැක්වේ. එම රංගනයන්හි ඔහුගේ නිරූපණය එකකට එකක් වෙනස්ව ඉදිරිපත් කිරීමද ඔහු සතු කුසලතාවයකි.

සිනමාගමනය

වසර	චිත්‍රපටය	චරිතය	අධ්‍යක්ෂ	කරුණු	මූලාශ්‍ර
1973	සදහටම ඔබ මගේ	කාර්යාල සහකරු	මිල්ටන් ජයවර්ධන	සිනමාවට ප්‍රවිෂ්ට වීම
1974	කස්තුරි සුවඳ		සේන සමරසිංහ
1976	නිල්ල සොයා		සේන සමරසිංහ
1977	චණ්ඩි පුතා		සඳහනක් නොමැත
	යකඩයා		නීල් රූපසිංහ
1978	චණ්ඩි ශ්‍යාමා		එම්.එස්.ආනන්දන්
	ආශා දෑසින්		සේන සමරසිංහ
1980	මල් කැකුළු		සේන සමරසිංහ
1981	චංචල රේඛා	කපිල	සේන සමරසිංහ	වඩාත් ප්‍රසිද්ධියට පත්වූ චිත්‍රපටය
1982	හලෝ ශ්‍යාමා		එම්.එස්.ආනන්දන්
	මිහිඳුම් සිහින		දයා විමලවීර
1984	බඹර පැටික්කි		සෝමපාල ලීලානන්ද
1986	පෙරලිකාරයෝ	චූටි මල්ලී	දිනේෂ් ප්‍රියසාද්	ගායනයට සම්බන්ද වීම
	යළි හමුවෙන්නයි		සේන සමරසිංහ
1987	නොම්මර එකයි		දිනේෂ් ප්‍රියසාද්	ටෙනී සමඟ සුසංයෝජනය වූ මුල්ම චිත්‍රපටය
	යුක්තියද ශක්තියද		යසපාලිත නානායක්කාර
1988	අංගුලිමාල	අංගුලිමාලගේ පන්තියේ යහළුවෙක්	බැප්ටිස්ට් ප්‍රනාන්දු
1990	තන්හා ආශා		සේන සමරසිංහ
	දේදුන්නෙන් සමනළියක්		යසපාලිත නානායක්කාර
	හිත හොඳ පුතෙක්		රෝයි ද සිල්වා
	මධු සිහින		දයා විමලවීර
	වීර උදාර		ශර්ලි පී විජයන්ත
1991	බඹර කළාපේ		සේන සමරසිංහ
	පාරාදීසේ		දිනේෂ් ප්‍රියසාද්	ගරු රඟපෑම්
	චෙරියෝ ඩොක්ටර්		රෝයි ද සිල්වා
	අලි බබා සහ හොරු 40		එන්. විමලසේන
1992	රණබිමේ වීරයා		රංජිත් සිරිවර්ධන
	සිංහයන්ගෙත් සිංහයා		සුනිල් සෝම පීරිස්
	සක්කර සූත්තර		හේමසිරි සෙල්ලප්පෙරුම
			දයා විමලවීර
1993	සූරයන් අතර වීරයා		රෝයි ද සිල්වා
	චායා	ජොනී	දයා විමලවීර
1994	150 මුල්ලේරියාව		සෝමපාල ලීලානන්ද
	ලව් 94		රෝයි ද සිල්වා
	සුජාතා		දයා විමලවීර
	හලෝ මයි ඩාලිං		හේමසිරි සෙල්ලප්පෙරුම
1995	රෝදය		බන්දු සමරසිංහ	අධ්‍යක්ෂවරයෙකු නිෂ්පාදකයෙකු ලෙස
	මම බය නෑ ශ්‍යාමා		එම්.එස්.ආනන්දන්
	ඉන්ස්පැක්ටර් ගීතා		කුසුම් චන්ද්‍ර ගමගේ
	වෛරයෙන් වෛරය		හේමසිරි සෙල්ලප්පෙරුම
	චෙරියෝ කැප්ටන්		රෝයි ද සිල්වා
1996	වීදියෙ වීරයා		සිරි කුලරත්න
	චෙරියෝ ඩාලිං	මාමයිට්	රෝයි ද සිල්වා	රෝහල් ප්‍රධාන උපස්ථායක
1997	පෙම්මල් මාලා		බන්දු සමරසිංහ	දෙවන අධ්‍යක්ෂණය සහ නිෂ්පාදනය
1998	රෑ දනියෙල් දවල් මිගෙල්	දනියෙල්	රෝයි ද සිල්වා
1999	කොළොම්පූර්	ඒ.එස්.පී.බන්දු	දිනේෂ් ප්‍රියසාද්
	කොටි සනා		රංජිත් සිරිවර්ධන
2000	කවුද බොලේ ඇලිස්	බන්දු/ඇලිස්	සුනිල් සෝම පීරිස්	කාන්තා චරිතයක් රඟ දැක්වීම
2001	හායි හූයී බබි ආච්චී	බන්දු	හර්බට් රංජිත් පීරිස්
	රෑ දනියෙල් දවල් මිගෙල් 2	දනියෙල්	රෝයි ද සිල්වා
	පිස්සු පූසෝ		සුනිල් සෝම පීරිස්	ද්විත්ව චරිත රංගනය
	ඔබ කොහෙද ප්‍රියේ		හේමසිරි සෙල්ලප්පෙරුම
2002	පාර්ලිමන්ට් ජෝක්ස්	ඊ.කේ.කරෝලිස්	රන්ජන් රාමනායක
	චෙරියෝ හොල්මන්		රෝයි ද සිල්වා
	පිස්සු ඩබල්		සුනිල් සෝම පීරිස්
	ජොලි හලෝ		ශ්‍රී ලාල් ප්‍රියදේව	සරසවිය සම්මාන - නිර්මාණාත්මක කුසලතා
	සොමි බෝයිස්	බන්දුසේන මුදලාලි/බන්දු	ඒ.ඒ. ජුනයිඩීන්	ද්විත්ව චරිත රංගනය
	සීතල ගිනි කඳු		දයා විමලවීර	කතා තේමා නිර්මාණය
2003	රෑ දනියෙල් දවල් මිගෙල් 3	"007" දනියෙල්	රෝයි ද සිල්වා
	පිස්සු ට්‍රිබල්		සුනිල් සෝම පීරිස්
	සුන්දරයි ආදරේ		උපාලි පියරත්න
	නුඹ නාඩන් අපට පිස්සු	බේබි සෑම්
සැපට දුකට සනී		රෝයි ද සිල්වා
2004	රජ්ජුමාලා	සේකර	අනුර චන්ද්‍රසිරි	අද්භූත චරිතයක් රඟදැක්වීම
	ලෙෆ්ට් රයිට් සර්		බන්දු සමරසිංහ	තෙවන සිනමා අධ්‍යක්‍ෂණය
2005	ජේම්ස් බොන්ඩ්	බොන්ඩ් හෙවත් බන්ඩා	සුනිල් සෝම පීරිස්
2006	අලි පැටියෝ ඔයයි මමයි	හොරා	ශ්‍රී ලාල් ප්‍රියදේව
	රණ හංසි		දයා විමලවීර
	සුපිරි බලවතා		පද්මසිරි කොඩිකාර
2007	හායි මාස්ටර්		රංජිත් සිරිවර්ධන
	ජුන්ඩයි ගුන්ඩයි	ජුන්ඩා	සුනිල් සෝම පීරිස්
2008	ඇයි ඔබ තනි වෙලා		රංජිත් ජයසිංහ
2010	අපේ යාළු පුංචි භූතයා		ශ්‍රී ලාල් ප්‍රියදේව
2011	තැන්ක්‍ යූ බර්ටී	නෝර්ටි	ටෙනිසන් කුරේ
2013	පීටර් වන්	පීටර්	බන්දු සමරසිංහ	සිව්වන සිනමා අධ්‍යක්ෂණය, තෙවන නිෂ්පාදනය
2013	සීතා මන් ආවා	රාමා	ජයසේකර අපොන්සු
2015	මයි නේම් ඉස් බන්දු	බන්දු	සුරංග ද අල්විස්	තම 85වන සිනමා දායකත්වය, දෙරණ සිනමා සම්මාන 2016 - හොඳම විකට නළුවා - නිර්දේශිත

අධ්‍යක්ෂණයන් හා නිෂ්පාදනයන්

බන්දු මුල් කාලයේ සමරසිංහ චිත්‍රපට සමාගමේ නිත්‍ය රංගන ශිල්පියෙක් සේම නිෂ්පාදන විධායකවරයෙක් ලෙසත් කටයුතු කර ඇති අතර එම කල්හි සිනමාවේ කාර්මික අංශය පිළිබඳ හොඳ දැනුමක් ලබා තිබුණි. පළමු ලෙස රෝදය චිත්‍රපටයද, දෙවනුව පෙම්මල් මාලා හා තෙවනුව ලෙෆ්ට් රයිට් සර් ද සිව්වන වරට පීටර් වන් අධ්‍යක්ෂණය කිරීය.

වසර	චිත්‍රපටය	අධ්‍යක්‍ෂණය	නිෂ්පාදනය
1995	රෝදය	Y	Y
1997	පෙම්මල් මාලා	Y	Y
2004	ලෙෆ්ට් රයිට් සර්	Y	N
2013	පීටර් වන්	Y	N

බන්දු සින්දු

බන්දු මුල්වරට ගායනයට සම්බන්ද වූයේ නිල්ල සොයා සහ මල් කැකුළු චිත්‍රපටවලිනි. පෙම් පෙම් නද පාවේ, නිල්ල නගන කිකිණි රාවේ, බිදු බිදු කඳුළු සලා ගීතයන් හි අත්වැල් ගායනයෙන්ද, පෙරලිකාරයෝ චිත්‍රපටයට එච්.ආර්. ජෝතිපාල සමඟ සිංහයෝ වගේ, සහ ඔහුම විස්කි කඩේ පූසා ගැයන ලදි. මධු සිහින චිත්‍රපටයෙන් අලුත් ඉරක් හා ඔක්කොම කණපිට චිත්‍රපටයෙන් කඳ බැඳලා යන ගීතයන්ද ඔහු ගයනු ලැබූවා.

ගීතය	චිත්‍රපටය	වෙනත් ගායනයන්
එනු මැන පාවී	මයි නේම් ඉස් බන්දු	උරේෂා රවිහාරි
ලස්සන මල් මල්	-	උරේෂා සමඟ
විස්කි කඩේ පූසා	පෙරළිකාරයෝ	-
සඳ ඇමතුම	-	-
සළඟේ හෙමින් එන්නකෝ	පීටර් වන්
ටින් බෙලෙක්ක	-	-
සිංහයෝ වගේ	පෙරළිකාරයෝ	එච්.ආර්. ජෝතිපාල
ලස්සන මුහුනක්	පෙරළිකාරයෝ	එච්.ආර්. ජෝතිපාල
අලුත් ඉරක්
කඳ බැඳලා	ඔක්කොම කණපිට	-
රූ බර සිරි බර
කොළොම්පූර් මේ කාලේ	කොළොම්පූර්	ෆ්‍රෙඩී සිල්වා
චෙරියෝ කියලා අපි මේ යන්නේ	චෙරියෝ කැප්ටන්	ග්‍රේෂන් ආනන්ද, ෆ්‍රෙඩී සිල්වා
වැඩත් අගෙයි හිතත් හොඳයි	චෙරියෝ කැප්ටන්	ග්‍රේෂන් ආනන්ද
රබර් වළලු උඩ යකඩ ගොඩක්	නොම්මර එකයි	චන්ද්‍ර දේවාදිත්‍ය
මිස් කොණ්ඩ කිරිල්ලී	නොම්මර එකයි
වරෙල්ල වරෙල්ලා	නොම්මර එකයි	සෝමසිරි ප්‍රනාන්දු, චන්ද්‍රා දෙවාදිත්‍ය

සම්මාන

• 2002 — ජොලි හලෝ — රංගන කුසලතා — සරසවිය සම්මාන
• 2006 — ස්ලිම් නෙල්සන් සම්මාන — ලාංකීය ජනතාව වඩාත්ම සතුටු කළ පුද්ගලයාට ලබා දෙන ස්ලිම් සම්මානය 2006 වසරේ දී ඔහුට තිළිණ කෙරිණි.
• 2015 — සිග්නීස් සම්මාන — ජීවිතයේ එකවරක් ලැබෙන සිග්නීස් ජාත්‍යාන්තර උත්තමාචාර ප්‍රණාම සම්මානය

ටෙලිනාට්‍යයන්

ටෙලිනාට්‍යය	චරිතය	අධ්‍යක්‍ෂණය
ටාර්සන් ද අපේ මෑන්	ටාර්සන්	රෝයි ද සිල්වා
දර ගරාජ්		බන්දු සමරසිංහ
නාන කාමරේ	පොඩි මහත්තයා	ගිරිරාජ් කෞෂල්‍ය

මූලාශ්‍ර

1. "බන්දු නම් වූ අද්භූත මනුෂ්‍යයා,මම නිකන් මිනිස්සු හිනස්සන ජෝකර් කෙනෙක් විතරයි". Silumina.lk.
2. "බන්දු". සිළුමිණ.
3. "යකඩයා චිත්‍රපටිය".
4. "චණ්ඩි ශ්‍යාමා".
5. සංරක්ෂිත පිටපත, http://www.sarasaviya.lk/movies/?fn=sa1310109, ප්‍රතිෂ්ඨාපනය 2016-07-30 
6. සංරක්ෂිත පිටපත, http://www.sarasaviya.lk/2014/07/10/?fn=sa14071032, ප්‍රතිෂ්ඨාපනය 2016-07-30 
7. සංරක්ෂිත පිටපත, http://www.sarasaviya.lk/2014/07/03/?fn=sa14070332, ප්‍රතිෂ්ඨාපනය 2016-07-30 
8. සංරක්ෂිත පිටපත, http://www.sarasaviya.lk/movies/?fn=sa14082141, ප්‍රතිෂ්ඨාපනය 2016-07-30 
9. සංරක්ෂිත පිටපත, http://www.sarasaviya.lk/movies/?fn=sa14100945, ප්‍රතිෂ්ඨාපනය 2016-07-30 
10. සංරක්ෂිත පිටපත, http://www.sarasaviya.lk/movies/?fn=sa14100945, ප්‍රතිෂ්ඨාපනය 2016-07-30 
11. සංරක්ෂිත පිටපත, http://www.sarasaviya.lk/movies/?fn=sa14121847, ප්‍රතිෂ්ඨාපනය 2016-08-15 
12. "චෙරියෝ ඩොක්ටර්".
13. සංරක්ෂිත පිටපත, http://www.sarasaviya.lk/movies/?fn=sa14121125, ප්‍රතිෂ්ඨාපනය 2016-07-30 
14. සංරක්ෂිත පිටපත, http://www.sarasaviya.lk/movies/?fn=sa14121847, ප්‍රතිෂ්ඨාපනය 2016-08-15 
15. සංරක්ෂිත පිටපත, http://www.sarasaviya.lk/2015/01/01/?fn=sa1501014, ප්‍රතිෂ්ඨාපනය 2016-07-31 
16. සංරක්ෂිත පිටපත, http://www.sarasaviya.lk/2015/02/12/?fn=sa1502125, ප්‍රතිෂ්ඨාපනය 2016-07-31 
17. සංරක්ෂිත පිටපත, http://www.sarasaviya.lk/movies/?fn=sa15012924, ප්‍රතිෂ්ඨාපනය 2016-08-01 
18. සංරක්ෂිත පිටපත, http://www.sarasaviya.lk/movies/?fn=sa15031943, ප්‍රතිෂ්ඨාපනය 2016-07-30 
19. සංරක්ෂිත පිටපත, http://www.sarasaviya.lk/2015/03/12/?fn=sa15031244, ප්‍රතිෂ්ඨාපනය 2016-07-31 
20. සංරක්ෂිත පිටපත, http://www.sarasaviya.lk/2015/04/02/?fn=sa15040244, ප්‍රතිෂ්ඨාපනය 2016-07-31 
21. සංරක්ෂිත පිටපත, http://www.sarasaviya.lk/2015/04/02/?fn=sa15040244, ප්‍රතිෂ්ඨාපනය 2016-07-31 
22. සංරක්ෂිත පිටපත, http://www.sarasaviya.lk/2015/04/02/?fn=sa15040244, ප්‍රතිෂ්ඨාපනය 2016-07-31 
23. සංරක්ෂිත පිටපත, http://www.sarasaviya.lk/movies/?fn=sa15051428, ප්‍රතිෂ්ඨාපනය 2016-08-01 
24. සංරක්ෂිත පිටපත, http://www.sarasaviya.lk/2015/06/04/?fn=sa15060419, ප්‍රතිෂ්ඨාපනය 2016-08-01 
25. සංරක්ෂිත පිටපත, http://www.sarasaviya.lk/2015/07/16/?fn=sa15071621, ප්‍රතිෂ්ඨාපනය 2016-08-01 
26. සංරක්ෂිත පිටපත, http://www.sarasaviya.lk/2015/07/16/?fn=sa15071621, ප්‍රතිෂ්ඨාපනය 2016-08-01 
27. සංරක්ෂිත පිටපත, http://www.sarasaviya.lk/2015/09/10/?fn=sa15091027, ප්‍රතිෂ්ඨාපනය 2016-08-01 
28. සංරක්ෂිත පිටපත, http://www.sarasaviya.lk/2015/10/29/?fn=sa15102916, ප්‍රතිෂ්ඨාපනය 2016-08-02 
29. සංරක්ෂිත පිටපත, http://www.sarasaviya.lk/2016/01/21/?fn=sa16012118, ප්‍රතිෂ්ඨාපනය 2016-07-31 
30. "අලි පැටියෝ ඔබයි මමයි".
31. "රණ හංසි".
32. සංරක්ෂිත පිටපත, http://www.sarasaviya.lk/2016/01/07/?fn=sa16010720, ප්‍රතිෂ්ඨාපනය 2016-08-01 
33. සංරක්ෂිත පිටපත, http://www.sarasaviya.lk/2010/07/01/_art.asp?fn=sa10070122&pn=08, ප්‍රතිෂ්ඨාපනය 2016-07-30 
34. සංරක්ෂිත පිටපත, http://www.sarasaviya.lk/movies/?fn=sa1307042, ප්‍රතිෂ්ඨාපනය 2016-07-30 
35. "බන්දු 85 මයි නේම් ඉස් බන්දු".