රන්ග්රසියා

රන්ග්රසියා (සිංහල: මා වර්ණවත් කරන්නා) යනු 2013 දෙසැම්බර් 30 සිට 2014 සැප්තැම්බර් 19 තෙක් කලර්ස් ටීවී නාළිකාව ඔස්සේ විකාශය වූ ඉන්දියානු රූපවාහිනී කතාමාලාවකි. ආරම්භයේ දී, මෙම වැඩසටහන මගින් ආයුධ ජාවාරමකට මැදිවන සරල, රූමත් තරුණියක වන පාර්වතී (සනායා ඉරානි) සහ දේශසීමා ආරක්ෂක (BSD) ප්‍රධානී රුද්‍ර ප්‍රතාප් රනාවත් () අතර ඇතිවන පෙම් සබඳතාව නිරූපණය වේ. 2014 ජූලි 31 දින වැඩසටහන වසර 7ක් ඉදිරියට කථාව වෙත දිවගිය අතර, පාර්වතීගේ අනුප්‍රාප්තිකාව වන මයිරා හඳුන්වා දීම ද සිදු විය. මෙය මලයාලම් බසින් හඬකවා ප්‍රාණයාවර්ණංගල් ලෙසත්, දෙමළෙන් අලගිය ලයිලා (සිංහල: මනහර ආදරවන්තිය) ලෙස නාළිකාවෙනුත් විකාශය විය. එසේම මෙය අරාබි බසින් "හබීබි දයිමාන්" "حبيبي دائما " ඉංග්‍රීසි බසින් "My Love Forever " සහ තුර්කි බසින් සෙස්සිස් ඔල්මාෂ් නම් විය. වර්තමානය වන විට රිෂ්තේ නාළිකාව ඔස්සේ මෙය නැවත විකාශය වෙමින් පවතියි.

රන්ග්රසියා
රන්ග්රසියා තේමා පාඨය
ප්‍රභේදය	නාට්‍ය
රචනය කලේ	සෞරභ් තේවාරි ගෞතම් හෙග්ඩේ ශිවානි ෂා රාහිල් ක්වාසි රඝුවීර් ෂෙඛාවත්
අධ්‍යක්ෂණය කලේ	සිද්ධාර්ත් සේන්ගුප්තා
රඟපෑම	චරිත නිරූපණය බලන්න
සම්භව රට	ඉන්දියාව
භාෂාව(න්)	හින්දි
කථාවාර සංඛ්‍යාව	01
කථාංග ගණන	188
නිෂ්පාදනය
නිෂ්පාදක(යෝ)	සෞරභ් තේවාරි
ස්ථානය(න්)	, මුම්බායි
නිෂ්පාදන සමාගම	තේක්විලා ෂොට්ස් ප්‍රොඩක්ෂන්ස්
ප්‍රචාරණය
මුල් නාලිකාව	කලර්ස් ටීවී
රූප ආකෘතිය	HDTV
මුල් ධාවනය	30 දෙසැම්බර් 2013 (2013-12-30) – 19 සැප්තැම්බර් 2014 (2014-09-19)
කාලානුක්‍රමය
සබැඳි දර්ශන
බාහිර සබැඳි
වෙබ් අඩවිය

කථාපුවත

පාර්වතී හෙවත් ආදරයට පාරෝ ලෙස හඳුන්වන යුවතියට දේශසීමා ආරක්ෂක (BSD) නිලධාරීන් කෙරෙහි කෝපයක් ඇත්තේ සිය දෙමව්පියන්ගේ මරණයට ඔවුන් වගකිව යුතු යැයි සිතමිනි. ඇයව හදාවඩා ගනු ලබන්නේ ඇගේ මාතෘ පාර්ශ්වීය නැන්දණියක වන ඨාකුරායින් මාලා () ය. මිය දෙමාපියන්ගේ මෘත ශරීර දුටු අවස්ථාව පිළිබඳ ඇයට නොයෙකුත් නපුරු සිහින පෙනෙයි. ඇගේ විවාහය වරුන් () නම් ටාබද ගම්මානයේ තරුණයකු සමග ස්ථිර කරන්නේ දූෂිත ඨාකූර් තේජාවත් () විසිනි. වරුන් පාරෝ ඉදිරියේ අවංක, හිතවත් තැනැත්තකු සේ පෙනී සිටිය ද ඔහුගේ සැබෑ අභිප්‍රාය වන්නේ සිය විවාහය සිදුකරන මුවාවෙන් දේශසීමාව හරහා ආයුධ ජාවාරම් සිදු කිරීමයි. විවාහය සාර්ථක වුවත්, මඟුල් පෙරහැර සඳහා BSD නිලධාරීන්ගේ බාධා පැමිණේ. මෙහි නායකත්වය දරන්නේ මේජර් රුද්‍ර ප්‍රතාප් රනාවත් () ය. මෙහි දී වරුන් මියයයි. මෙය පසුපස ඇති සැබෑ සිදුවීම පිළිබඳ නොදන්නා පාර්වතී, සිය සැමියාගේ මරණය වෙනුවෙන් රුද්‍රහට චෝදනා නගමින් පරිභව කරයි. ඇය යක් යැයි විශ්වාස කරන රුද්‍ර ඇයව සිරගත කරන්නේ ඇය සියල්ල පාපොච්චාරණය කරනු ඇතැයි සිතා ය. මෙම සිදුවීමෙන් පාර්වතී දිවි ගලවාගෙන ඇති බව වටහා ගන්නා තේජාවත්, ඇගේ සාක්ෂි ලැබීම වැළැක්වීමට ඇයව මරාදමනු පිණිස මැරයන් යොදවයි. ඇගේ දිවියට ඇති අනුතර වටහාගන්නා රුද්‍ර ඇයව ඔහුගේ පිය පාර්ශ්වීය නිවස වෙත යවයි. රුද්‍ර ඇයව දැකගැනීමට අවස්ථාව සලසන්නේ සිය පියාට පමණකි. ඔහුගේ දුෂ්ට නැන්දණිය වන මෝහිනී විසින් ඇයව සොයාගනු ලබන අතර, ඇගේ චරිතවත්භාවය පිළිබඳ විමසයි. මෙහිදී රුද්‍රගේ පියා ඇයට මුසාවක් බවසන්නේ ඇය රුද්‍ර සමග විවාහ ගිවිසගත් තැනැත්තිය බවයි. මෙය යුවලගේ අප්‍රසාදයට හේතුවන අතර ඔවුන් දෙදෙනාගේ විවාහය පැවැත්වීමට යෝජනා වේ. ක්‍රමයෙන් පාර්වතී රුද්‍ර කෙරෙහි හැඟීම්බර වන්නේ ඔහුගේ මව වෙනත් පුරුෂයකු සමග පැනගොස් ඇති බව දැනගැනීමෙන් පසුවයි. ඔහුගේ මව යනු ඨාකුරායින් බව ඇය නොදනී. රුද්‍ර සමග ව්‍යාජ විවාහ දිනයේ දී වරුන්ගේ විවාහය පසුපස ඇති සත්‍යය දැනගැනීම පිණිස ඇය තේජාවත් සමග පලා යයි. සිය වරද වටහා ගැනීමෙන් පසුව, ඇය තමන් රුද්‍රට පෙම් කරන බව ඇය වටහා ගනියි. පාර්වතී රුද්‍රගේ සිත දිනාගැනීමට තැත් කරයි. ඔහු සිතන්නේ සිය පියා කාමරයේ සිටින විට ගින්නක් ඇති කළේ ඇය විසින් කියායි. පාරෝට කුරිරු අයුරින් සැලකීම පිළිබඳ රුද්‍රට ‍චෝදනා එල්ල වන අතර, මේ නිසා රුද්‍රට සිය රක්ෂාව අහිමි වේ. මෙය ඔහුගේ කෝපයට හේතු වන අතර, බීමත් වන ඔහු පාරෝ සමග විවාහ වෙමින් පොරොන්දු වන්නේ ඇගේ දිවිය මිහිපිට අපායක් කරන බවයි. නමුත් ඔහුට සිය රැකියාව යළි හිමිවේ. මුලින් තමන්ට ද්‍රෝහී වීම සම්බන්ධයෙන් ඔහු පාර්වතීව පිළිනොගත්තත්, තමන් ඇයට පෙම් කරන බව ඔහු වටහා ගනියි. සිදුවීම් මාලාවකින් පසු ඔවුන් දෙදෙනා එක්වේ. අනතුරුව ඨාකුරායින් මාලා සහ රුද්‍ර මුණගැසෙයි. රුද්‍ර ඇයට වෛර කරන්නේ ඇය තමන්ව හැරගිය හෙයිනි. කෙසේනමුත්, මේ මව සහ පුතු දෙදෙන යළි එකතු කිරීමට පාරෝ සමත් වේ. පවුලේ සියල්ලන්ම සතුටින් පසුවෙයි. නමුත් රුද්‍රට තර්ජනාත්මක දුරකථන ඇමතුමක් ලැබෙන්නේ පාර්වතීව මරාදමන බවට පවසමිනි. ආරක්ෂාව පතා පවුලේ සාමාජිකයෝ නිවෙස හැර යති. වරුන්ගේ බාල සොයුරා වන ශාන්තනු කුමාර් () ආරක්ෂකයකු ලෙස නිවසට පැමිණෙයි. ඔහුට අවශ්‍ය වන්නේ සිය සොයුරාගේ මරණයේ පලිය ගැනීමටයි. පාර්වතී සත්‍යය දැනගන්නා අතර, ශාන්තනු ඇයව මරාදැමීමට තැත් කරන විට රුද්‍ර පැමිණ ඇයව බේරාගනියි. ශාන්තනු සිරභාරයට ගැනෙයි. පසුව, පාර්වතී දරුවකු පිළිසිඳ ගන්නා අතර, ඇය ධෲව් නම් පුත්‍රයකු බිහි කරයි. ඔවුන්ගේ සතුට දෙදරා යන්නේ ශාන්තනු සිරභාරයෙන් පලාවිත් පාර්වතීව මරාදැමීමෙනි. ඇය රුද්‍රගේ දෑත් මත අවසන් හුස්ම හෙළයි. ශානත්නු මරාදැමීමෙන් පසුව ඔහු සිය මාසයක් වියැති පුත්‍රයාට යහපත් පියකු වන බවට පොරොන්දු වෙයි.

කථාව වසර හතක් ඉදිරියට දිවෙයි. රුද්‍ර සත් වියැති ධෲව් සහ සිය පවුල සමග දිවි ගෙවයි. ඔහුට ලැබෙන නව පත්වීම වනුයේ මයිරා මෙහ්රාගේ (මෙම චරිතය ද නිරූපණය කරන්නේ සනායා ඉරානි විසින්ම ය) ආරක්ෂකයා ලෙස කටයුතු කිරීමයි. පාර්වතීට පෙනුමින් සමාන රුවක් හිමි මයිරා පුද්ගලයකු වන අතර ඇය එක්සත් ජනපද‍යේ සිට පැමිණ ඇත්තේ රෝහිත් සේගාල් () සමග ඇගේ විවාහයට සුදුසු ස්ථානයක් සොයාගැනීමටයි. රුද්‍ර ඇගෙන් දුරස්ව සිටීමට තැත් කරන අතර, මේ නිසා ඔවුන් දෙදෙනා අතර ආරවුල් ඇතිවේ. ඇය රුද්‍රගේ නිවසේ සිටින අතරතුර, නොදැනුවත්වම මයිරා රුද්‍ර සමග ප්‍රේමයෙන් බැ‍ඳෙයි. රුද්‍ර ඇය සමග මිතුරු වෙයි. ඔහු ඇයව සොරුන්ගෙන් බේරාගන්නා විට, ඉන් කෝපයට පත්වන ඇය පවසන්නේ එය ඔහුගේ වගගකීමක් බවයි. මයිරාව පැහැර ගැන්මට ලක්වන අතර රුද්‍ර ඇයව බේරාගන්නේ ඔහු සිය රාජකාරිය නිසි ලෙස ඉටු කිරීමට අපොහොසත් බව පෙන්වමිනි. ඇයට ලබාදෙන ඖෂධයක් හේතුවෙන් මයිරා රුද්‍රව සිපගනියි. ඇය පාරෝ යැයි රුද්‍රට හැඟීගිය ද, ඇය ඔහුගේ පාර්වතී නොවන බවත් තව දින කිහිපයකින් විවාහ වීමට සිටින බවත් ඔහුට සිහිපත් වේ. මයිරා ඔහු කෙරෙහි උනන්දු වන්නට පටන්ගත්ත ද, ඔහු ඇයට සිය අප්‍රසාදය පල කරන්නේ ඇය සහ සිය හිටපු බිරිඳගේ ඇති සමානත්වය නිසායි. මින් සිත් තැවුලට පත්වන ඇය රුද්‍රගේ දිවියෙන් ඈත්වීමට තීරණය කරයි. මෙවිට ඇය සමග විවාහ ගිවිසගත් තැනැත්තා පැමිණෙන අතර, ඔහු රුද්‍ර කෙරෙහි ඊර්ෂ්‍යාවෙන් පසුවෙයි. මයිරා විසින් දරුවන් නොමැති මෛතිලී සහ සම්රාට්හට දරුවකු හදාවඩා ගැනීමට උපකාර කරන විට රුද්‍ර ද මයිරා නෙරෙහි උනන්දු වේ. රුද්‍ර තමන් මයිරා පෙම්කරන බව පිළිගැනීමට මැළි වේ. නමුත් සිහිනයකින් පැමිණෙන පාරෝ පවසන්නේ මයිරා සමග ප්‍රීතියෙන් දිවි ගෙවන ලෙසයි. ඔහු පවසන්නේ තමන් වෙන සිසිවකුටත් පෙම් නොකරන බවයි. එවිට ඔහු සහ ධෲව් වෙනුවෙන් මයිරාව එවනු ලැබූයේ තමන් විසින් බව පවසයි. ඔහු මයිරාව භාර ගතහොත් ඉන් තම ආත්මය සතුටු වන බව ද ඇය පවසයි. බීමත් අවස්ථාවක දී රුද්‍ර මයිරාට සිය හැඟීම් හෙළි කරයි. නමුත් මුරණ්ඩු වන ඇය රෝහිත් සමග විවාහ වීමට තීරණය කරයි. රුද්‍ර ලිපියක් ලියමින් ඇගේ විවාහයට තමන්ට පැමිණීමට නොහැකි වන බව දන්වයි. මයිරා තමන් රුද්‍රට පෙම් කරන බව පවසමින් රෝහිත්ට වීඩියෝ පටයක් යවයි. රෝහිත් පවසන්නේ ඇයට රුද්‍ර සමග එක්වන ලෙසයි. කථාව අවසන් වන්නේ රුද්‍ර සහ මයිරා සිය ප්‍රේමය පාපොච්චාරණය කරන විට, මුළු පවුලම සතුටට පත්වීමෙනි.

චරිත නිරූපණය

• , මේජර් රුද්‍ර ප්‍රතාප් රනාවත් ලෙස
• සනායා ඉරානි, පාර්වතී රුද්‍ර ප්‍රතාප් රනාවත් (පාරෝ)/ මයිරා මෙහ්රා ලෙස
• , ලයිලා ලෙස
• රිෂි සොනේචා/කපිෂ් චාව්ලා, ධෲව් රුද්‍ර පතාප් රනාවත් ලෙස
• කාලි ප්‍රසාද් මුඛර්ජී, දිල්ෂේර් රනාවත් ලෙස
• , ඨාකුරායින් මාලා ලෙස
• , දන්වීර් රනාවත් ලෙස
• , මෝහිනී දන්වීර් රනාවත් ලෙස
• ප්‍රශාන්ත් චව්ලා, සම්රාට් දන්වීර් රනාවත් ලෙස
• ගීතාජලී මිෂ්රා, මෛතිලි සම්රාට් රනාවත් ලෙස
• උදිත් ශුක්ලා, සුමේර් දන්වීර් රනාවත් ලෙස
• මානස්වි ව්‍යාස්, ශතබ්දි සුමේර් රනාවත් ලෙස
• , සුනෙහරී දන්වීර් රනාවත් ලෙස
• , ඨාකූර් පාරම් සිං තේජාවත් ලෙස
• පාදම් භෝලා, අමන්දීප් 'අමන්' සිං ලෙස
• සයිද් සෆාර් අලි, ජනරාල් වී. කේ. සිං ලෙස
• , බින්දි ලෙස
• , ශාන්තනු කුමාර් ලෙස
• ගුර්ප්‍රීත් සිං, රෝහිත් ලෙස

මහාසංගම්

2014 මැයි 31 දින, රන්ග්රසියා කතාමාලාව තුළ රූපවාහිනී කතාමාලාවේ හරස්මාරු කථාංගයක් විකාශය විය. මෙහි දී රුද්‍ර සහ පාරෝ රුද්‍රගේ අඩපණ වූ අතට ප්‍රතිකාර ගැනීම පිණිස මුම්බායි වෙත ගමන් කරයි.

දෙමළ හඬකැවූ ප්‍රභේදය

මෙම කතාමාලාවේ දෙමළ හඬකැවූ ප්‍රභේදය වන අලගිය ලයිලා (සිංහල: මනහර ආදරවන්තිය) කතාමාලාව 2015 මැයි 4 දිනයේ සිට සඳුදා සිට සිකුරාදා දක්වා දිනවල ප.ව. 9.30ට ඔස්සේ විකාශය විය.

නිෂ්පාදනය

වැඩසටහනේ වැඩි ප්‍රමාණයක් රූගත කෙරුණේ හි වියළි භූමිභාගයේ සහ හි වැලි වැටිවල ය. මෙය නිර්මාණයට පෙළඹවීමක් ඇතිවූයේ ෂේක්ස්පියර්ගේ සහ රූපවාහිනී වැඩසටහනක් වූ ඇසුරෙනි.

සම්මාන සහ නිර්දේශ

වර්ෂය	සම්මානය	ප්‍රවර්ගය	ප්‍රතිඵලය
2014	ආසියානු විචාරක රූපවාහිනී සම්මාන	වසරේ රූපවාහිනී සෝපය	නිර්දේශිත
2014	ආසියානු විචාරක රූපවාහිනී සම්මාන	වසරේ කාන්තා රූපවාහිනී සෝප් පෞරුෂත්වය (සනායා ඉරානි)	නිර්දේශිත
2014	ඉන්දියානු රූපවාහිනී ඇකඩමි සම්මාන	Gr8! පිරිමි ඉදිරිපත්කරන්නා ()	නිර්දේශිත
2014	ඉන්දියානු රූපවාහිනී ඇකඩමි සම්මාන	හොඳම තේමා සංගීතය	නිර්දේශිත
2014	ඉන්දියානු රූපවාහිනී ඇකඩමි සම්මාන	හොඳම පද රචක	නිර්දේශිත

ධ්වනිපථය

අංකය.	ගීතය	ගායක(යින්)	කාලය
1.	"මේන් මාති කා පට්ලා"	සෞරබ් කල්සි
2.	"යේ භි හේන් කුච් (පිරිමි)"	සෞරබ් කල්සි
3.	"යේ භි හේන් කුච් (කාන්තා)"	සුවර්ණා තිවාරි
4.	"දිල් කි ධඩ්කාන්"	සෞරබ් කල්සි
5.	"ටිට්ලි ජේසි"	සුවර්ණා තිවාරි
6.	"දිල් කි ධඩ්කාන් (කාන්තා)"	සුවර්ණා තිවාරි
7.	"ඉෂ්ක් කා ඛේල් (පිරිමි)"	සෞරබ් කල්සි
8.	"හේලි ම්හාරි (කාන්තා)"	සුවර්ණා තිවාරි
9.	"උස්කි නසර් (පිරිමි)"	සෞරබ් කල්සි

ආශ්‍රේයයන්

1. "Rangrasiya episodes". Rangrasiya. 19 September 2013. සම්ප්‍රවේශය 14 November 2014.
2. සංරක්ෂිත පිටපත, http://entertainment.oneindia.in/television/news/2014/rangrasiya-paro-dies-rudra-arms-7-year-leap-bring-myra-rudras-life-155569.html, ප්‍රතිෂ්ඨාපනය 2017-11-25 
3. සංරක්ෂිත පිටපත, http://www.haberedevam.com/magazin/Kanal-7-Sensiz-Olmaz-dizisi-konusu-ve-oyuncu-kadrosu-Sensiz-olmaz-dizisi-ne-zaman-basliyor-Sensiz-Olmaz-Rangrasia-dizisi--h1261.html, ප්‍රතිෂ්ඨාපනය 2017-11-25 
4. Rang Rasiya inspired by Shakespeare's Othello - Times Of India, http://articles.timesofindia.indiatimes.com/2013-11-18/news/44201095_1_sanaya-irani-rang-rasiya-ashish-sharma, ප්‍රතිෂ්ඨාපනය 2017-11-25 
5. සංරක්ෂිත පිටපත, http://www.media247.co.uk/bizasia/live-avta-2014-winners-list, ප්‍රතිෂ්ඨාපනය 2017-11-25 
6. සංරක්ෂිත පිටපත, http://www.media247.co.uk/bizasia/live-avta-2014-winners-list, ප්‍රතිෂ්ඨාපනය 2017-11-25 
7. සංරක්ෂිත පිටපත, http://www.indiantelevisionacademy.com/site/awards_hhita_details_new.php?year=2014, ප්‍රතිෂ්ඨාපනය 2017-11-25 
8. සංරක්ෂිත පිටපත, http://www.indiantelevisionacademy.com/site/awards_hhita_details_new.php?year=2014, ප්‍රතිෂ්ඨාපනය 2017-11-25 
9. සංරක්ෂිත පිටපත, http://www.indiantelevisionacademy.com/site/awards_hhita_details_new.php?year=2014, ප්‍රතිෂ්ඨාපනය 2017-11-25 

බාහිර සබැඳි

• නිල වෙබ් අඩවිය