උස පැනීම

උස පැනීම මළල ක්‍රීඩා (ජවන හා පිටිය) ඉසව්වකි. මෙහිදී තරඟකරුවන් උස ලකුණු කරන ලද කණු දෙකක ආධාරයෙන් හරස් ලෙස තබන ලද දණ්ඩක් උඩින් පැනීම සිදු කරයි. මෙම තරඟය පැරණි ග්‍රීසියේ පැවති ඔලිම්පික් තරඟවල සිට පවත්වන ලදී. ශත වර්ෂ ගණනාවක සිට මෙම තරඟය සඳහා වඩාත් උසස් තත්ත්වයේ ශිල්ප ක්‍රම තරඟකරුවන් විසින් හඳුන්වා දෙනු ලැබීමෙන් එම ක්‍රීඩාව අද තිබෙන තත්වයට පැමිණ ඇත. කියුබානු ජාතික ජැවියර් සෝටොමෙයර් ගෘහස්ථ සහ එළිමහන් උස පැනීම ඉසව්වේ ලෝක වාර්තාව උසුලයි. වාර්තාගත උස ප්‍රමාණය වන්නේ පිළිවෙලින් මීටර් 2.43 හා මීටර් 2.45 ක් වේ. ඔහු මේ වාර්තාව තැබුවේ 1993 දීය. එය දීර්ඝ කාලයක් නොකැඩී පවතින පිරිමි උස පැනීමේ වාර්තාව ලෙසද ඉතිහාස ගත වේ. බල්ගේරියානු ජාතික ස්ටෙෆකා කොස්ටාඩිනෝවා ගැහැණු උස පැනීමේ අංශයේ වාර්තාව 1987 සිට උසුලයි. එයද දීර්ඝ කාලයක් නොකැඩී පවතින වාර්තාවකි.